Ніці мінулага. Як на Шчучыншчыне вяртаюць да жыцця старажытнае ткацтва
Ткацтва на Беларусі мае глыбокія гістарычныя карані. Яшчэ ў старажытнасці ткацкія вырабы былі не толькі прадметамі штодзённага ўжытку, але і сапраўднымі творамі мастацтва. У кожным рэгіёне краіны існавалі ўнікальныя тэхнікі і арнаменты, якія перадаваліся з пакалення ў пакаленне.
Шчучыншчына не была выключэннем: мясцовыя майстры стваралі дываны, паясы, ручнікі і адзенне, якія адлюстроўвалі багацце беларускай культуры. Аднак з цягам часу гэта рамяство пачало знікаць. Традыцыйныя навыкі сталі забывацца, а ткацкія станкі ператварыліся ў музейныя экспанаты.
