Народны майстар Беларусі Ірына Шавельская атрымала спецыяльную прэмію Прэзідэнта Беларусі за ўклад у захаванне і папулярызацыю народных рамёстваў

Сёлета майстар народных мастацкіх рамёстваў Гродзенскага раённага культурна-інфармацыйнага цэнтра, народны майстар Беларусі Ірына Шавельская атрымала спецыяльную прэмію Прэзідэнта Беларусі за ўклад у захаванне і папулярызацыю народных рамёстваў.

…1990-я. У выпускніцы Ашмянскага сельгастэхнікума на руках «свабодны» дыплом бухгалтара. У няпросты час яна атрымлівае запрашэнне з Прывалкаўскай школы на пасаду арганізатара культурна-дасугавай дзейнасці.

Плённая праца Ірыны не застаецца незаўважанай, і дзяўчына становіцца кіраўніком сельскага клуба. Генеруе ідэі і арганізуе мерапрыемствы, а таксама асвойвае беларускія мастацтвы — вязанне, шыццё і выцінанку.

А падчас працы ў Доме рамёстваў захапляецца саломапляценнем, якое перарастае ў прафесію.

Яе працы з’яўляюцца ўпрыгожаннем выставак і заваёўваюць мноства ўзнагарод.

— Я шчаслівы чалавек, бо гэта любімая праца! — адзначае Ірына.