Ён прысвяціў сябе служэнню мастацтву
Больш за 40 гадоў у сферы культуры раёна прарабіў загадчык сектара культуры Дзятлаўскага раённага выканаўчага камітэта Васіль Шыцько. Сёння калегі праводзілі яго на заслужаны адпачынак. Шмат добрых слоў, кветак, падарункаў, жартаў, вясёлы настрой – менавіта такая атмасфера панавала ў зале. І, як заўсёды, сціпласць, добразычлівасць, лагодная ўсмешка, якая зыходзіла ад самога віноўніка мерапрыемства.
