“Горад майстроў”

З 10 ПА 13 ЛІПЕНЯ кірмаш рамёстваў ХХХIV Міжнароднага фестывалю мастацтваў “Славянскі базар у Віцебску” прадставіць шматколернае багацце непаўторных сувеніраў нашых таленавітых землякоў.

ГОРАД МАЙСТРОЎ абяцае зіхацець прыгажосцю!

На фестывальным небасхіле заззяюць і 10 майстроў Гродзенскай вобласці.

Пано ў тэхніцы выцінанкі, вышытыя ручнікі, вырабы з лазы, самыя розныя лялькі, бранзалеты з нацыянальным арнаментам, упрыгожванні з натуральнай скуры, драўляных пацеркаў, траў і кветак беларускіх палёў – гэта і многае іншае прадэманструюць умельцы з Мастоўскага, Лідскага раёна і г. Гродна.

Знаёмцеся з даўнімі традыцыямі і сучаснымі тэхнікамі, захапляйцеся яскравымі талентамі і ўнікальнымі здольнасцямі, далучайцеся да творчасці!

“Горад майстроў” чакае ўдзельнікаў і гасцей з Гродзеншчыны!