Выстаўкі майстроў народнай творчасці і мастакоў Дзятлаўскага раёна “Добрых рук майстэрства”

16 лістапада 2023 года ў дэманстрацыйнай зале Гродзенскага абласнога метадычнага цэнтра народнай творчасці адбудзецца адкрыццё справаздачнай выстаўкі майстроў народнай творчасці і мастакоў Дзятлаўскага раёна “Добрых рук майстэрства”.

У экспазіцыі выстаўкі будуць прадстаўлены такія накірункі творчай дзейнасці, як ткацтва, кераміка, выцінанка, лозапляценне, вышыўка, разьба па дрэве, мастацкі роспіс і іншае. Работы створаны супрацоўнікамі аддзела традыцыйнага мастацтва і рамёстваў ДУК “Дзятлаўскі раённы цэнтр культуры і народнай творчасці”, а таксама майстрамі Дзятлаўскага раёна. На выстаўцы таксама можна ўбачыць рэгіянальны этнаграфічны матэрыял: посцілкі, дываны, ручнікі.

  Падчас святочнага адкрыцця выставачнай экспазіцыі будуць арганізаваны майстар-класы па вырабу паясоў, лозапляценню і прадзенню на калаўроце.

⏰Адкрыццё выстаўкі адбудзецца 16 лістапада 2023 года а 15.00 па адрасе: г. Гродна, вул. Савецкая, 8.